امریکا میں سینگوں والے ڈائناسور کی نئی نسل دریافت

کولوراڈو: امریکی سائنسدانوں نے سینگوں والے ڈائنوسار کی ایک نئی نسل دریافت کی ہے جو کہ 11,000 پاؤنڈ اور 22 فٹ لمبی ہے۔

میڈیا رپورٹس کے مطابق یہ ڈائناسور شمالی امریکہ میں اب تک پایا جانے والا سب سے بڑا سینٹروسورائن نسل کا ڈائناسور ہے۔ کولوراڈو یونیورسٹی کے سائنسدانوں نے انکشاف کیا ہے کہ یہ ڈائنوسار 78 ملین سال قبل ریاست مونٹانا میں گھومتے پھرتے تھے۔

کولوراڈو اسٹیٹ یونیورسٹی کے پروفیسرز جوزف اسریچ اور مارک لووین نے بلیڈ نما سینگوں کے مڑے ہوئے سیٹ کی وجہ سے نئے ڈائناسور کو لوکیسیراٹوپس رنگیفارمیس کا نام دیا ہے۔

کولوراڈو کے عجائب گھر میں ڈائناسور کی ایک نقل عوام کے لیے نمائش کے طور پر رکھ دی گئی ہے۔ ٹیم نے کہا کہ شکر ہے کہ یہ کسی کی حویلی میں بطور آرائش کا ایک حصہ نہیں بنا۔ یہ ایک میوزیم میں رکھا گیاجہاں اسے ہمیشہ کے لیے یہ محفوظ ہوگا تاکہ لوگ اس کا مطالعہ کر سکیں اور اسے دیکھنے کا لطف اٹھائیں۔