آئی ایم ایف معاہدہ: عالمی ایجنسی نے پاکستان کی ریٹنگ اپ گریڈ کردی

اسلام آباد: آئی ایم ایف کے ساتھ پاکستان کے معاہدے کے بعد عالمی ایجنسی ‘‘فچ’’ نے پاکستان کی ریٹنگ اپ گریڈ کرکے ٹرپل سی کردی ہے۔

معاشی ماہرین کا کہنا ہے کہ فچ کی جانب سے پاکستان کی ریٹنگ اپ گریڈ ہونے کے بعد ملک کے لیے فنڈنگ کی راہ ہموار ہو گئی ہے۔

 

Global Rating Agency “Fitch”
Upgrades Pakistan’s Long Term Foreign-Currency rating to CCC from IDR(Issuer Default Rating).

Another positive news towards current economic revival journey, AlhamdoLilah.

Congratulations to PM @CMShehbaz ,the Nation, Govt Allies & Economic Team 🌺

— Ishaq Dar (@MIshaqDar50) July 10, 2023

دوسری جانب وفاقی وزیر خزانہ اسحاق ڈار نے بھی عالمی ریٹنگ ایجنسی کی جانب سے پاکستان کی طویل مدتی فارن کرنسی ریٹنگ کے لیے کیے گئے اقدام کی سماجی رابطوں کی ویب سائٹ ٹوئٹر پر جاری بیان کے ذریعے تصدیق کردی ہے۔

اپنے ٹوئٹ میں وفاقی وزیر خزانہ نے بتایا کہ گلوبل ریٹنگ ایجنسی فچ نے پاکستان کی طویل مدتی فارن کرنسی ریٹنگ اپ گریڈکردی۔  فچ نے طویل مدتی کرنسی ریٹنگ ایشور ڈیفالٹ ریٹنگ آئی ڈی آر سےٹرپل سی کردی ہے۔

اسحاق ڈار نے کہا کہ حالیہ معاشی بحالی کے سفر کی جانب سے یہ ایک اور مثبت خبر ہے، وزیراعظم، حکومتی اتحادیوں، معاشی ٹیم اور قوم کو مبارک ہو۔ دوسری جانب معاشی تجزیہ کاروں نے پیش گوئی کی ہے کہ آنے والے دنوں میں مزید ریٹنگ ایجنسیاں پاکستان کی ریٹنگ اپ گریڈ کریں گے۔