جمعہ20؍ رجب المرجب 1442ھ 5؍مارچ2021ء

فلسطین میں 15 سال بعد انتخابات کی تاریخ کا اعلان

فلسطین میں حماس سمیت دیگر سیاسی جماعتوں کی مشاورت کے بعد فلسطینی صدر محمود عباس نے انتخابات کے لئے تاریخوں کا اعلان کردیا ہے۔

غیر ملکی میڈیا رپورٹس کے مطابق فلسطینی صدر نے انتخابات کے لئے تاریخوں کا اعلان کرتے ہوئے 22 مئی کو قانون سازی کے انتخابات اور 31 جولائی کو ہونے والے صدارتی ووٹ کا اعلان کیا۔

فلسطین میں دو بڑیا پارٹیوں حماس اور فتح نے انتخابات کرانے  میں دلچسپی کا اظہار کیا ہے، دو اہم فلسطینی دھڑوں کے درمیان ایک طویل عرصے سے جاری دشمنی کو نئے ووٹ کی طرف پیش رفت کو روکنے میں ایک اہم عنصر کے طور پر دیکھا گیا۔

فلسطین میں پارلیمانی اور صدارتی انتخابات رواں برس بالترتیب 22 مئی اور 31 جولائی کو طے پائے ہیں، جن کے تحت یروشلم، مغربی کنارے اور غزہ کی پٹی میں ووٹنگ ہوگی۔

خیا ل رہے کہ مصر 14سال سے صدر محمود عباس کے قوم پرست گروپ فتح اور اس کے حریف جماعت حماس کے مابین صلح کرانے کی کوشش کرتارہا  ہے۔

واضح رہے کہ مصر میں طے پائے معاہدے کے تحت تمام سیاسی قیدیوں کی لازمی رہائی کا فیصلہ شامل ہے۔

You might also like

Comments are closed.