قانون کی حکمرانی کے لیے سب سے بڑا جہاد لڑ رہے ہیں، وزیراعظم

راولپنڈی : وزیر اعظم عمران خان کا کہنا ہے کہ اپوزیشن جو بھی چال چلے گی اس کے لیے تیار ہوں، ملک میں قانون کی حکمرانی کے لیے سب سے بڑا جہاد لڑ رہے ہیں۔

وزیر اعظم عالمی یوم نسواں کی مناسبت سے فاطمہ جناح یونیورسٹی روالپنڈی میں تقریب سے خطاب کرتے ہوئے کہا کہ زندگی میں جو کامیابی حاصل کی اس کی وجہ میری والدہ تھی بد قسمتی سے عورت کو حصہ نا دینی کی روایت بھارت سے آئی ہے، مرد دوسری شادی کے بعد پہلی بیوی کو گھر سے نکال دیتا ہے۔

عمران خان کا مزید کہنا ہے کہ عورتوں کی تعلیم پر زور دینا چاہیئے، خواتین کے حقوق کے ساتھ تعلیم بھی ضروری ہے، جو بچے اسکول میں نہیں پڑھ رہے، انہیں زیادہ پیسے دیتے ہیں، جب تک اپنی بچیوں کو نہیں پڑھائیں گے، ملک آگے ترقی نہیں کر سکتا رسول اللہ نے سب سے پہلے خواتین کو وراثتی حقوق دیے، طلاق کے بعد بھی عورت کا وراثتی حق ہے اسکو حصہ دیا جائے۔

ان کا کہنا تھا کہ خواتین کو با اختیار بنانے میں تاریخ ہماری گواہ ہوگی، اس حوالے سے ہماری حکومت نے سب سے زیادہ کام کیا ہے، سوچتا تھا اللہ نے موقع دیا تو سب سے پہلے خواتین کو با اختیار کروں گا، جیسے جیسے شعور بڑھتا جائے گا ہم اس کے اقدامات کریں گے

وزیراعظم نے کہا کہ قانون کی بالادستی سے معاشرہ کامیاب ہوتا ہے، طاقت ور لوگ قوم کا پیسہ چرا رہے ہیں اور این آر او چاہتے ہیں، یہاں طاقتور شخص قانون کے نیچے نہیں آنا چاہتا، پرویز مشرف نے گھٹنے ٹیک دیے اور طاقتوروں کو این آر او دے دیا، لیکن میں جب تک زندہ ہوں این آر او نہیں دوں گا، انہوں نے کہا کہ جہاں چوری سے پیسہ بنے وہاں لوگ پڑھائی اور محنت کیوں کریں گے؟، پھر معاشرہ تباہ ہوجاتا ہے، ہم قانون کی حکمرانی کے لیے سب سے بڑا جہاد لڑ رہے ہیں۔

انہوں نے کہا کہ طاقت ور کہتے ہیں کہ میری بلیک میلنگ میں نہ آئے تو حکومت گرادوں گا، اپوزیشن جو بھی چال چلے گی اس کے لیے تیار ہوں، مخالف کی ہر سازش کا مقابلہ کرنے کے لیے تیار ہوں کیوں کہ کپتان جب میدان میں ہوتا ہے تو ہر چیز کے لیے خود کو تیار رکھتا ہے۔۔