وزیراعظم تاریخ کے بڑے عوامی پیکیج کا اعلان کریں گے، فواد چوہدری

وفاقی وزیر برائے اطلاعات و نشریات فواد چوہدری کا کہنا ہے کہ وزیراعظم عمران خان آج تاریخ کے بڑے عوامی ریلیف پیکیج کا اعلان کریں گے۔

سماجی رابطے کی ویب سائٹ ٹوئٹر پر اپنے بیان میں وزیر اطلاعات فواد چوہدری نے کہا کہ عوام کی تکالیف کا تدارک وزیراعظم عمران خان کی پہلی ترجیح ہے، عوام کو ریلیف فراہم کرنے کے لیے ہر حد تک جائیں گے۔

انہوں نے کہا کہ وزیراعظم قوم سے خطاب میں ملکی تاریخ کے بڑے عوامی ریلیف پیکیج کا اعلان کریں گے، یہ پیکیج عوام کی مشکلات میں کمی اور ان کی زندگیوں میں آسانیاں پیدا کرنے کے لیے سنگ میل ثابت ہوگا۔

عوام کی تکالیف کا تدارک عمران خان کی پہلی ترجیح ہے۔وہ عوام کو ریلیف فراہم کرنے کیلئے ہر حد تک جائیں گے۔ قوم سے خطاب میں ملکی تاریخ کے بڑے عوامی ریلیف پیکج کا اعلان کریں گے۔ یہ پیکج عوام کی مشکلات میں کمی اور ان کی زندگیوں میں آسانیاں پیدا کرنے کیلئے سنگ میل ثابت ہوگا۔

— Ch Fawad Hussain (@fawadchaudhry) November 3, 2021