بھارت میں اسرائیلی سفارتخانے کے نزدیک دھماکا

نئی دہلی: بھارت میں اسرائیلی سفارت خانے کے قریب دھماکا ہوا ہے۔

بین الاقوامی خبر رساں اداروں کے مطابق بھارتی دارالحکومت نئی دہلی میں صہیونی ریاست اسرائیل کے سفارت خانے کے قریب دھماکا ہوا ہے۔ مقامی میڈیا کا کہنا ہے کہ دہلی فائر سروس کو ایک نامعلوم شخص کی جانب سے اطلاع دی گئی کہ اسرائیلی سفارت خانے کے قریب دھماکا ہوا ہے۔

 

VIDEO | Delhi Police teams arrive at the spot after receiving information of an explosion near the Israel Embassy. More details are awaited. pic.twitter.com/FqSjRSW7uB

— Press Trust of India (@PTI_News) December 26, 2023

اطلاع ملنے کے بعد بم ڈسپوزل اسکواڈ، پولیس اور دیگر امدادی ٹیمیں  جائے وقوع پر پہنچیں تاہم کوئی مشتبہ چیز برآمد نہیں ہو سکی۔ بھارتی حکام واقعے کے حوالے سے تحقیقات کررہے ہیں۔

دوسری جانب اسرائیلی وزارت خارجہ کی جانب سے بھارتی دارالحکومت نئی دہلی میں اپنے سفارت خانے کے قریب دھماکے کی تصدیق کردی گئی ہے۔اسرائیلی سفارت خانے کے ترجمان نے کہا کہ سفارت خانے کے قریب دھماکا 5 بج کر 20 منٹ پر ہوا، تاہم سفارتی عملہ محفوظ ہے۔

اسرائیلی وزارت خارجہ کے مطابق دھماکے کے واقعے کی تحقیقات کے حوالے سے بھارتی حکام کے ساتھ رابطہ ہے۔