اسرائیل کی مجبوراً نقل مکانی کرنیوالے فلسطینی قافلے پر بمباری، خواتین و بچوں سمیت 70 شہید

مقبوضہ بیت المقدس: اسرائیل نے نقل مکانی پر مجبور کردیے گئے فلسطینیوں کے قافلے پر حملہ کردیا، جس میں 70 افراد جام شہادت نوش کر گئے جب کہ زخمیوں کی تعداد 200 سے بھی زائد ہے۔

بین الاقوامی خبر رساں اداروں کے مطابق  صہیونی  ریاست نے توقع کے عین مطابق دھوکا دیتے ہوئے فلسطین کے خلاف ریاستی دہشت گردی کا کھلا مظاہرہ کیا ہے۔ اسرائیل کی جانب سے غزہ کے شمالی علاقوں میں رہنے والوں کو مہلت دی گئی تھی کہ وہ علاقے خالی کردیں، جس کے بعد مجبوراً نقل مکانی کرنے والوں پر قابض صہیونی فوج نے اچانک بم باری کردی، جس کے نتیجے میں خواتین و بچوں سمیت 70 فلسطینی شہید ہو گئے جب کہ زخمیوں کی تعداد 200 سے بھی زائد بتائی جاتی ہے۔

 

في الفيديو الأول ستشاهدون قاطرة تحمل أطفلاً ونساء، كانت ضمن قافلة كبيرة للمدنيين الذين بدأوا يتجهون نحو جنوب غزة بناء على تعليمات جيش الاحتلال الإسرائيلي الذي رسم لهم مساراً آمناً ليعبروا من خلاله
في الفيديو الثاني ستشاهدون نفس القاطرة ونفس الأطفال والنساء بعد أن قصفهم جيش… pic.twitter.com/KG3NPkOE30

— قتيبة ياسين (@k7ybnd99) October 14, 2023

سماجی رابطوں کی ویب سائٹس پر وائرل ویڈیوز، تصاویر اور پوسٹوں میں دیکھا جا سکتا ہے کہ فلسطینیوں کو علاقے خالی کرنے کی نام نہاد مہلت دینے کی آڑ میں صہیونی حکام نے فلسطینیوں کو نہ صرف گھر سے بے گھر کیا بلکہ دھوکا دہی سے انہیں گھر سے نکال کر عین راستے میں حملہ کرکے شہید کردیا۔ رپورٹس کے مطابق صہیونی فضائیہ کی جانب سے مجبوراً نقل مکانی کرنے والے فلسطینیوں پر بم باری صلاح الدین اسٹریٹ پر کی گئی۔

 

Children among many killed by missile strike which hit convoy of people fleeing northern Gaza on evacuation route https://t.co/xBchl4rl1w

— BBC Breaking News (@BBCBreaking) October 14, 2023

بم باری کے بعد وائرل ویڈیوز میں شہید ہونے والے بچوں، خواتین اور نوجوانوں کی لاشیں ٹرکوں اور سڑکوں پر دیکھی جا سکتی ہیں جب کہ اطراف میں شہدا کا خون بہہ رہا ہے۔ قبل ازیں صہیونی فوج کی جانب سے غزہ کے شمالی علاقوں میں رہنے والے تقریباً 11 لاکھ فلسطینیوں کو دھمکی دی گئی تھی کہ وہ  24 گھنٹے کے مختصر وقت میں علاقہ خالی کردیں، تاہم مجبوراً گھر بار چھوڑ کر جانے والوں پر اسرائیلی فوج نے بم باری کرکے دہشت گرد ریاست ہونے کا ثبوت دیدیا ہے۔

 

بعد أن طلب منهم الاحتلال النزوح والخروج من منازلهم إلى جنوب #غزة

الاحتلال يقصف 💥المدنيين أثناء نزوحهم في الطرقات على شارع صلاح الدين بالقرب من جسر غزة#Israel #FreePalestine #Gaza #Hamas pic.twitter.com/GJ7OpaCTXn

— واير ثلاجة 🔌 (@wayer_thalajaa) October 14, 2023

سوشل میڈیا ذرائع کے مطابق بم باری میں شہید ہونے والوں میں بڑی تعداد خواتین و بچوں کی  ہے، جن میں بچوں کی عمریں محض چند برس ہیں۔

فلسطینی مزاحمتی تنظیم حماس نے کہا ہے کہ قابض صہیونی فوج نے پہلے فلسطینیوں کو علاقہ خالی کرنے کی مہلت دی اور مجبوراً گھر بار چھوڑ کر جانے والے قافلوں کو راستہ میں بم باری کا نشانہ بنا کر قتل عام کیا ہے۔ دوسری جانب اسرائیلی فوج آئی ڈی ایف نے دنیا کی آنکھوں میں دھول جھونکنے کے لیے واقعی کی نام نہاد تحقیقات کا اعلان کیا ہے۔