بجلی مزید 3 روپے مہنگی، صارفین سے اضافی وصولیاں کرنے کا حکم

 اسلام آباد:حکومت نے عوام پر مزید بوجھ ڈالنے کے لیے   صارفین پر بجلی گراتے ہوئے بجلی کے ریٹ میں مزید اضافہ کردیا۔

میڈیا رپورٹس کے مطابق  وفاقی حکومت کی منظوری کے بعد نیشنل الیکٹرک پاور ریگیولیٹری اتھارٹی (نیپرا)نے فیول ایڈجسٹمنٹ سے متعلق نوٹیفکیشن جاری کر دیا اور سہہ ماہی ایڈجسٹمنٹ کی مد میں بجلی 3روپے 28پیسے مہنگی کرنے کی منظوری دی ہے۔

اس اضافے سے بجلی صارفین پر اضافے سے 159ارب کا اضافی بوجھ پڑے گا، یہ اضافہ مالی سال2022/23کی چوتھی سہہ ماہی ایڈجسٹمنٹ کی مد میں کیا گیا ہے۔

اس ضمن میں نوٹیفیکشن جاری کیا گیا ہے  جس میں صارفین سے آئندہ چھ ماہ تک اضافی وصولیاں کرنے کا حکم دیا ہے۔