جسٹس عامر فاروق نے بطور چیف جسٹس اسلام آباد ہائیکورٹ عہدے کا حلف اٹھا لیا

اسلام آباد: جسٹس عامر فاروق نےبطور چیف جسٹس اسلام آباد ہائیکورٹ عہدے کا حلف اٹھا لیا۔

جمعہ کو ایوانِ صدر میں چیف جسٹس اسلام آباد ہائی کورٹ کی تقریبِ حلف برداری منعقد ہوئی۔ جسٹس عامر فاروق نے اسلام آباد ہائی کورٹ کے چھٹے چیف جسٹس کی حیثیت سے حلف اٹھایا ہے۔

 صدرِ مملکت عارف علوی نے جسٹس عامرفاروق سے چیف جسٹس اسلام آباد ہائی کورٹ کے عہدے کا حلف لیا۔جسٹس عامر فاروق اسلام آباد ہائی کورٹ کے سینئر ترین جج ہیں۔

چیف جسٹس اطہر من اللہ کی سپریم کورٹ میں تعیناتی کے بعد جوڈیشل کمیشن کے اجلاس میں جسٹس عامر فاروق کی بطور چیف جسٹس تعیناتی کی سفارش کی گئی تھی۔