عمران خان کی پھیلائی گئی گند کو صاف کرنے میں  2سال لگیں گے، مریم نواز

صوابی :مسلم لیگ ن کی نائب صدر مریم نواز کا کہنا ہے کہ  عمران خان کی گندگی کو صاف کرنے میں ایک سے 2 سال لگیں گے، پاکستان کو ٹھیک کرنا 2یا 3مہینے کا کام نہیں، عمران خان ایسا مجرم ہے جس نے صرف بنی گالا کو نوازا ہے۔

جلسے سے خطاب کرتے ہوئے مریم نواز نے کہا کہ جب تک عمرا ن خان اقتدار میں رہے تو ادارے اچھے تھے اب سب میرجعفر اور میرصادق لگ رہےہیں،عمران خان کی کرسی ہٹی تو اس کا دماغ ہل گیاہے،عمران خان ایسا قاتل ہے جو قتل کرکے پوچھتاہے کہ یہ کس نے کیا۔

مسلم لیگ ن کی نائب صدر کا کہنا تھا کہ عمران خان معیشت کو برباد کرگیاہے، عمران خان 4 سالہ  دور میں سرکاری خرچے پر ہیلی کاپٹر میں جھولتارہا، پاکستان   معاشی طور پرنہ صرف آئی سی یو میں ہے بلکہ وینٹی لیٹر پر ہے۔

انہوں نے مزید کہا کہ عمران خان کے خلاف کوئی سازش نہیں ہوئی اُس کے اپنے ارکان نے اُسے  نکالا ہے، تحریک عدم اعتماد کے ذریعے عمران خان کو نکالنا ضروری تھا، رونا دھونا بند کرو عوام کو بتاو 4سال میں کیا کیا۔

مریم صفدر کا کہنا تھا کہ عمران خان 4 سال کی کارکردگی 4سیکنڈ میں بھی نہیں بتاسکتا،جب کارکردگی بتانے کےلیے کچھ نہیں رہا تو جعلی خط کا بہانہ کیا۔