ن لیگ کی نئی سینٹرل ایگزیکٹو کمیٹی کا پہلا اجلاس آج ہوگا

ن لیگ کی نئی سینٹرل ایگزیکٹو کمیٹی کا پہلا اجلاس آج ہوگا

December 04, 2017 - 10:35
Posted in:

میاں نواز شریف نے مسلم لیگ ن کی مرکزی مجلس عاملہ کا اہم اجلاس آج اسلام آباد میں طلب کر لیا ہے۔ مجلس عاملہ کی نو تشکیل شدہ سینٹرل ایگزیکٹو کمیٹی کا یہ پہلا اجلاس ہوگا،جس میں مسلم لیگ ن کے مستقبل کے سیاسی روڈ میپ اور پارٹی کے تنظیمی امور پر مشاورت کی جائے گی۔
نوازشریف کی زیر صدارت پنجاب ہاؤس اسلام آباد میں ہونے والے اجلاس کےلیے سینٹرل ایگزیکٹو کمیٹی کے تمام ارکان کو دعوت نامے جاری کردیے گئے۔
ذرائع نے بتایا کہ نوازشریف اپنی اہلیہ کی عیادت کے لیے لندن روانگی کے معاملہ پر بھی مجلس عاملہ سے مشاورت کریں گے،نوازشریف کی 5 دسمبر کو لندن روانگی کا امکان ہے۔
وزیراعظم شاہد خاقان عباسی، وزیراعلیٰ پنجاب شہباز شریف، مریم نواز اور حمزہ شہباز، وزیراعظم آزاد کشمیر راجہ فاروق حیدر، وزیراعلیٰ بلوچستان اور وزیر اعلیٰ گلگت بلتستان بھی اجلاس میں شریک ہوں گے ۔
اجلاس میں راجہ ظفرالحق، چوہدری نثار، خواجہ آصف، مشاہد اللہ خان، خواجہ سعد رفیق، اسپیکر سردار ایاز صادق، احسن اقبال، برجیس طاہر، سردار مہتاب، امیر مقام، مریم اورنگزیب، بیگم عشرت اشرف، رانا ثناء اللہ اور عرفان صدیقی بھی اجلاس میں شرکت کریں گے۔
اسحاق ڈار سینٹرل ایگزیکٹو کمیٹی کا حصہ ہونے کے باوجود اجلاس میں شریک نہیں ہو سکیں گے۔

googletag.cmd.push(function() { googletag.display('div-gpt-ad-rectangle_belowpost_btf'); });

بشکریہ جنگbody {direction:rtl;} a {display:none;}