امریکہ اور سعودی عرب کے درمیان دفاعی میزائل نظام کا معاہدہ

امریکہ اور سعودی عرب کے درمیان دفاعی میزائل نظام کا معاہدہ

October 07, 2017 - 04:27
Posted in:

امریکہ نے سعودی عرب کو 15 بلین ڈالرز کا جدید تھاڈ میزائل دفاعی نظام فروخت کرنے کی منظوری دے دی ہے۔امریکی سٹیٹ ڈیپارٹمنٹ کے مطابق سعودی عرب کے ساتھ 15 بلین ڈالرز کے معاہدے نے امریکہ کی قومی سلامتی اور خارجہ پالیسی کے مفادات کو مزید تقویت دی ہے۔ سٹیٹ ڈیپارٹمنٹ کا کہنا ہے کہ اس سے سعودی عرب اور خلیج کی سکیورٹی کو ایران اور دیگر علاقائی خطرات کے خلاف بہتر بنانے میں مدد ملے گی۔روس اور سعودی عرب کی بڑھتی ہوئی قربتیںامریکہ کی جانب سے یہ اعلان سعودی عرب کے روس سے ایئر ڈیفینس سسٹم خریدنے کے ایک روز بعد سامنے آیا ہے۔پینٹاگون کی دفاعی سکیورٹی ایجنسی کا کہنا ہے کہ سعودی عرب کے ساتھ کیے جانے والے اس معاہدے سے خطے کا فوجی توازن تبدیل نہیں ہو گا۔خیال رہے کہ شمالی کوریا کی جانب سے جنوبی کوریا کے خلاف ممکنہ میزائل حملے کے خلاف جنوبی کوریا میں جدید تھاڈ میزائل دفاعی نظام نصب کیا جا رہا ہے۔جنوبی کوریا میں اس کی مخالفت کرنے والے سمجھتے ہیں کہ اس سے فوجی تنصیبات کے قریب رہنے والے نشانہ بن سکتے ہیں اور ان کی زندگیاں خطرے میں ہیں۔ادھر چین نے اس بات پر زور دیا ہے کہ تھاڈ نظام کی تنصیب خطے میں سکیورٹی کو غیر مستحکم کرے گی۔ تھاڈ میزائل کیا ہے؟اس نظام کے ذریعے درمیانے فاصلے تک نشانہ بنانے کی صلاحیت رکھنے والے بیلیسٹک میزائل کو اس وقت مار گرایا جا سکتا ہے جب وہ اپنی پرواز کے آخری مرحلے میں ہوتا ہے۔اس نظام میں یہ صلاحیت بھی ہے کہ یہ کسی بھی ٹیکنالوجی مثلاً جنگی ہتھیاروں کو تباہ کر سکتا ہے۔یہ نظام 200 کلومیٹر تک کے فاصلے میں کام کرتا ہے اور 150 کلومیٹر بلندی تک پراثر ہوتا ہے۔

BBCUrdu.com بشکریہbody {direction:rtl;} a {display:none;}