|
نیو دہلی…فارن ڈیسک…بھارتی وزیر اعظم من موہن سنگھ نے امید ظاہر کی ہے کہ پاکستان اور بھارت کے درمیان مذاکرات کا سلسلہ بحال ہو جائے گا تاہم ان کا کہنا ہے کہ حالیہ دو طرفہ مذاکرات میں بھارت اور پاکستان کے درمیان کئی معاملات پر پیش رفت ہو چکی تھی لیکن پاکستانی وزیرخارجہ کی پریس کانفرنس نے سب پر پانی پھیردیا۔آل انڈیا ریڈیو کی رپورٹ کے مطابق بھارتی وزیراعظم من موہن سنگھ نے کہا ہے کے حالیہ مذاکرات میں پاکستان اور بھارت کے درمیان کئی مسائل پر معاہدے طے پاگئے تھے لیکن پاکستان کے وزیر خارجہ شاہ محمود قریشی کی پر یس کانفرنس نے اس میں تعطل پیدا کردیا۔انہوں نے اس امید کا اظہار کیا کہ پاکستان کے وزیر خارجہ بھارت کے دورے کی دعوت قبول کر لیں گے اور دونوں ممالک کے مابین مذاکرات کے سلسلے کو دوبارہ بحال کیا جاسکے گا۔
|
