کراچی …وفاق ایوانہائے صنعت و تجارت کے نائب صدر ذکریا عثمان کا کہنا ہے کہ ملک میں ہفتے میں دو چھٹیوں کا کوئی جواز نہیں ، اس سے صنعتوں کو نقصان ہورہا ہے۔وفاقی ایوانہائے صنعت و تجارت کے نائب صدر ذکریا عثمان نے جیو نیوز سے بات چیت میں بتایا کہ حکومتی سطح پر ہماری کوئی سنوائی نہیں ہورہی ہے اور نہ ہی حکومت ہفتے میں دو چھٹیوں پر اسٹیک ہولڈرز سے بات کرنے کو تیار ہے۔ذکریا عثمان کا کہنا تھا اگر حکومت کچھ بات کرتی بھی ہے تو اپنے من پسند لوگوں کو سہولت دیتی ہے۔ انہوں نے کہا کہ دو سال قبل مانیٹری پالیسی میں شرح سود10 فی صد سے نیچے لانے کی یقین دہانی کرائی گئی تھی لیکن اب تک اس پر عمل درآمد نہیں ہوسکا جبکہ تاجر برادری نے اصلاحاتی جنرل سیلز ٹیکس کو مسترد کردیا ہے۔