واشنگٹن…فارن ڈیسک… تین کروڑ امریکیوں کو گردے کی کرونک بیماری لاحق ہے ،ہرسال ایک لاکھ امریکیوں کے گردے فیل ہو جاتے ہیں اور جن مریضوں میں پروٹین کی مقدار بہت زیادہ ہو تی ہے ان میں گردے کی تکلیف کے پانچ گنا زیادہ خطرات ہوتے ہیں، جب کہ پیشاب میں پروٹین کی مقدار گردوں کی بیماری کی پیش گوئی کر سکتی ہے۔برطانوی خبر رساں ادارے’رائٹر‘ نے ایک تحقیق کے حوالے سے بتایا کہ اب ڈاکٹر یورین میں پروٹین کی مقدار جانچ کر گردے کے مریضوں کو بچا سکیں گے۔آسان اور سستے طبی ٹیسٹ سے گردے کے ناکارہ ہونے کا پتہ چل سکے گا۔ تمام اسپتالوں میں1.6فی صد گردے کے مریض ہیں ۔ یہ تحقیقبالٹی مور کی جان ہوپکن یونی ورسٹی میں 11ہزار2سو مریضوں پرکی گئی جسے امریکن سوسائٹی آف نفرالوجی کے جریدے میں شائع کیا گیا۔جریدے کے مطابق تین کروڑ امریکیوں کو گردے کی بیماری ہے جن میں ہر سال ایک لاکھ امریکیوں کے گردے ناکارہ ہوجاتے ہیں اور ان کے ناکارہ ہونے کی سب سے بڑی وجہ شوگر ہے۔
|
