|
اسلام آباد…جنگ نیوز…’بریسٹ فیڈنگ ‘بیماریوں کے خلاف بہترین قدرتی مدافعت ہے،طبی ماہرین کا کہنا ہے کہ ماں کا دودھ پینے والے بچے بیماریوں کا بہتر مقابلہ کر سکتے ہیں کیونکہ ماں کا دودھ بچے کی ذہنی وجسمانی نشوونما میں اہم کردار ادا کرتا ہے۔ اسلام آباد میں ایک سیمینار سے خطاب کرتے ہوئے طبی ماہرین نے کہا کہ بچے کی پیدائش سے چھ ماہ تک بچے کو صرف ماں کا دودھ پلایا جائے۔ ماہرین نے کہاکہ یہ تاثر غلط ہے کہ ڈبے کا دودھ بچے میں غذائیت پوری کرتا ہے۔ سیمینار سے وزیراعظم کی مشیر برائے ترقی نسواں یاسمین رحمن نے خطاب کرتے ہوئے کہاکہ حکومت ماں اور بچے کی صحت پر پوری توجہ دے رہی ہے۔انہوں نے کہا کہ دنیا کے دیگر ممالک کے مقابلے میں پاکستان میں ماں اور بچے کی شرح اموات زیادہ ہے۔ اس موقع پر پاکستان میں یونیسف کی ریسرچ کوآرڈینیٹر شیبا افغانی نے خطاب کیا اور زور دیا کہ پاوٴڈر اور ڈبے کے دودھ کی تشہیر کو روکا جائے کیونکہ یہ ماں کے دودھ کے حوالے سے آرڈیننس 2002ء کی خلاف ورزی ہے۔
|
